Caja de Ahorros y Monte de Piedad de Gipuzkoa y San Sebastián - Gipuzkoa eta Donostiako Aurrezki Kutxa (kutxa), Donostiako Garibai kaleko 15ean helbidea duena, 1990. urteko abenduaren 1ean eratu zen, Gipuzkoako Aurrezki Kutxa Probintzialaren eta Donostiako Aurrezki Kutxa Munizipalaren bat-egitearen ondorioz.

Eta Espainiako Bankuaren mendekoa den Aurrezki Kutxen Erregistro Berezian 2.101 zenbakiarekin inskribatu da. Halaber, Donostiako Merkataritza Erregistroan inskribatua dago: Sozietateen 1.011. liburukiko 1 folioan, SS-745 orrian, 1. inskripzioan, 1990eko abenduaren 29ko datarekin.

Helburu soziala: Erakundearen helburuak aurrezkia sustatu eta garatzean eta aurreikuspenak egitean dautza, maila, ñabardura eta modu guztietan, eta horrekin batera baita bezeroengandik funtsak gordailu moduan edo beste modu batzuetara biltzean ere, berriro itzultzeko obligazioarekin, hauek kredituemakidetan eta gisa honetako erakundeei zilegi zaizkien gainerako eragiketa guztietan gauzatzeko.

Era berean, eta bere izaerari dagokion bezala, kutxaren helburua da gizarte-ongintzako eta kultura mailako ekintzak sortu eta garatzea ere, bereak nahiz besteekin elkarlanean egindakoak, betiere bere aukeren arabera. Kutxaren ardura izango da ekimen pribatuekin lankidetzan aritzea edota ordeztea premia sozialek hala eskatuz gero.

Kutxak Bahitetxe bat mantenduko du.