:: Finantza Txostena - Kutxa taldearen kudeaketa-txostena ::

Sarrera

Txosten honetan leialki eta zehaztasunez azaltzen da Caja de Ahorros y Monte de Piedad de Gipuzkoa y San Sebastián - Gipuzkoa eta Donostiako Aurrezki Kutxak eta Kutxa Taldea (kontsolidatua) osatzen duten mendeko sozietateek 2007ko ekitaldi ekonomikoan izan duten bilakabidea eta 2007ko abenduaren 31n zuten egoera.

Gainera, merkatuak eta Kutxa Taldeak berak hemendik aurrera epe laburrean izango duten bilakaeraren aurreikuspena ere egiten da.

Balantzearen analisia

2007-12-31n, hainbat sozietate kontsolidatuz osatua dagoen Kutxa Taldearen egoera-balantzea, 20.837,7 milioi eurokoa zen, hau da, % 9,9 hazi zen aurreko urtekoarekin konparatuta.

Administratutako baliabideak

Gure bezeroek inbertsio-funtsetan eta aurreikuspen-planetan izan dituzten parte-hartzeak kontuan hartuta, balantzetik kanpo kontabilizatuak baitaude, Kutxa Taldeak administratutako bezeroen baliabideak % 11,9 hazi dira, 2007ko abenduaren 31ko saldoa 20.808,1 milioi eurokoa izanik.

Ekitaldi honek bereizgarri izan du eperako saldoen hazkundea, inbertsio-funtsen ordez izandako eskaeraren ondorioz.

Ageriko kontuek % 2,0ko hazkundea izan dute. Inbertsioaurrezkiko modalitateetan, eperako kontuen hazkundea nabarmendu behar da, % 18,5ekoa, eta SIMCAVena, eta Aktiboen aldi baterako Lagapenena ere bai, % 21,0 eta % 35,2ko gehikuntzekin, hurrenez hurren.


	Administratutako baliabideak (Zenbatekoak milaka eurotan)

	Aktiboen aldi baterako lagapenetan bezeroek egindakoak bakarrik sartu dira, Inbertsio Funtsekin egindakoak alde batera utzita, koadro honetako informazioa ez delako kontabilitatekoa, kudeaketakoa baizik.

Bezeroei emandako kredituak

Kutxa Taldean bezeroei emandako kredituen sailean 1.953,4 milioi euroko igoerarekin itxi da ekitaldia aurrekoarekin konparatuta; % 14,6koa izan da igoera balio erlatiboan, eta 15.358,4 milioi euroko saldoa izatera iritsi da.

“Ondasun-bermedun zordunak”, etxebizitzak eskuratzeko hipotekak biltzen dituen epigrafe esanguratsuenak, % 15,7ko gehikuntza izan du, 2006ko abenduarekin alderatuta. Ekitaldi honetan, ordea, hazkundea orekatuagoa izan da, etxebizitzaz bestelako beste xede batzuetan % 16,5 haziz.


	Bezeroei emandako kreditua (Zenbatekoak milaka eurotan)

Balore higigarriak

2007an kutxako balore-zorroak 2.817,6 milioi euroko saldoa zuen, eta % 12,6 igo zen 2006koarekin alderatuta.

Zorra adierazten duten baloreek, hau da, errenta finkoak, mantendu egin dute saldoa, % 0,2 bakarrik murriztuz, baina errenta aldakorreko zorroak, aldiz, % 23,0 egin du gora.


	Balore higigarrien zorroa (Zenbatekoak milaka eurotan)

Altxortegia

2007ko amaieran, Kutxa Taldean, Altxortegiaren kontzeptuaren barruan biltzen diren epigrafeen saldoa 1.194,6 milioi eurokoa izan zen. “Aldi baterako eskuratutako aktiboak” epigrafean, batez ere inbertsio-funtsei eta bezeroei lagatako aktiboak bildu dira. Errenta finko publikoko tituluak izaten dira normalean.

Likidezia kudeatzeko, banku arteko gordailuen posizioak eta epe ertain eta luzerako Estatuaren zorraren posizioak konbinatu dira.


	Altxortegia (Zenbatekoak milaka eurotan)

Kreditu-arriskuaren eta estalduraren analisia

EBerreskuratze-egoerako aktiboek saldo hau zuten 2007ko abenduan: 229.646 mila euro.


Berreskuratze-egoerako aktiboak (Zenbatekoak milaka eurotan)

Zalantzazko aktiboak 102.856 mila euro dira, eta, beraz, berankortasun-indizea % 0,65ekoa da 2007-12-31n, aurreko urteko % 0,50ekoaren aldean. Berankortasun-tasa hori askoz txikiagoa da Aurrezki Kutxa Konfederatuek orotara dutena baino: % 0,89.

Kaudimengabezietarako eta herrialde-arriskurako hornidura--funtsek lortutako mailari dagokionez, ekitaldiaren itxieran 372,4 milioi euroko saldoa zuten, hau da, % 362,06ko estaldura zalantzazko zorroarentzat. Hor sartzen dira bai funts espezifikoak eta bai zalantzarik gabeko zorroaren gaineko funts generikoa ere; eta horrek, urteko % 0,36ko arrisku-prima bat izanik aktibo eta pasibo kontingenteen gain, eskakizun maximoaren % 100 estaltzen du.


	Arriskuak eta estaldura-funtsak (Zenbatekoak milaka eurotan)

Bestalde, bereziki esleitu zaizkion eskumenez baliatuz, Aktibo eta Pasiboen Batzordeak beste arrisku batzuk kudeatzen jarraitu du etenik gabe, eta horien artean interes-tasaren, merkatutasaren eta likidezia-tasaren arriskua nabarmendu beharra dago, behar diren baliabideak sortzen jarraitu ahal izateko, nahi baino arrisku handiagorik hartu gabe.

Emaitzen analisia

Zergak ordaindu aurretik Kutxa Taldeari esleitutako emaitza bateratua, 2007ko ekitaldian, 216,1 milioi eurokoa da. Taldeari egotzitako azken emaitza 215,6 milioi eurokoa izan da, % 11,1 haziz 2006koaren ondoan.

Inbertsioen multzo guztiaren batez besteko errentagarritasunak izan duen gorakadak, inbertsioen bolumenak izan duen hazkunde handiarekin bat, bide eman du urteko finantza-sarrerak % 35,7 hazteko.

Inoren baliabideek kostu handiagoa izan dutenez, eta bezeroak erakartzeko egindako ahaleginari esker, finantza-gastuen urteko gorakada % 72,6koa izatea ekarri du horrek.

Azaldutako aldaketen ondorioz eta kapital-tresnen errendimendua jaitsi egin denez, 2006an zenbateko handiko dibidendu ez-errekurrente batzuk egon direlako, 339,3 milioi euroko bitartekaritza- marjina lortu da, % 6 jaitsiz aurreko urtearen aldean.

Zerbitzuen emaitza garbiak % 11,2 hazi dira aurreko urtekoekin alderatuz gero; abaletako eta kredituetako eta aurreikuspen- eta pentsio-planetako komisioek izan duten eboluzio ona azpimarratu behar da.

LFinantza-eragiketen emaitzek gorakada handia izan dute errenta aldakorreko balore batzuen salmentetan lortutako hainbat gainbaliori esker. Besteak beste Ingelectric S.A. enpresan genuen partaidetzaren salmenta aipatu behar da.

Marjina arrunta 658,4 milioi euroko zifrara iritsi da, % 19,9 haziz aurreko urtekoarekiko.

Kutxa taldearen ustiapen-gastuak 298 milioi eurokoak izan dira guztira; % 12 hazi dira, beraz, aurreko urtearen aldean. Efizientzia-
marjina –ustiapen-gastu horiek marjina arrunta ehuneko zenbatean gutxitzen duten neurtzen duena– % 45,25ean jarri da, 3,19 puntu hobetuz, beraz, orain dela urtebete lortutakoa.

Ustiapen-marjina –emaitza errekurrenteak sortzeko gaitasuna neurtzen duena– 386,6 milioi eurotara iritsi da, 2006koa baino % 18,2 gehiago.

Ekitaldi honetan hainbat zuzkidura estandar egin dira; kopuru garbiei begira, 21 milioi eurokoak izan dira, aurrez hornitutako funts generikoak askatzearen ondorioz. Kaudimengabezietako gainerako zuzkidurak paraleloki hazi dira kreditu-inbertsioen eboluzioekiko, Espainiako Bankuak ezarritako zuzkidura-arauak aplikatuz kasu guztietan. Bestalde, 9 milioi euroko saneamenduak egin dira partaidetzen zorroan.



	Emaitza-Kontua (Zenbatekoak milaka eurotan)

Kutxa Taldeari egotzitako emaitza (Milaka eurotan)

Ekitaldia itxi osteko gertaerak eta Kutxa Taldearen eboluzio aurreikusgarria

2008ko otsailaren 21ean, kutxaren Administrazio Kontseiluak onartu egin ditu 2007ko ekitaldiaren kudeaketa, 2007ko abenduaren 31ko egoera-balantzea eta ekitaldi horretako emaitzakontua.

Gainerakoan, ekitaldia itxi denetik Kudeaketa Txosten hau idatzi bitarteko epean ez da izan txosten honetan egindako azterketak eta balorazioak aldatzeko moduko gertaera aipagarririk, ez kutxan eta ez bere sozietate partaidetuetan ere.

2008rako, eta onartutako Kudeaketa Planari dagokionez, aktiboak eta pasiboak hazi egingo direla aurreikusten da, 2007an erregistratutakoen pareko hazkundearekin.