inprimatu

Honako Politika honek kutxak garapen iraunkorrarekin eta ingurumenarekin daukan konpromisoa bermatze aldera finkatu dituen jardunbide-printzipio eta -ardatzak ispilatzen ditu.

kutxaren Ingurumen-politikaren oinarrian ondoko printzipioak daude:

Aplikatzeko moduko legedia eta araudia modu zorrotzean betetzea, eta, halaber, era zorrotzean betetzea garapen iraunkorrarekin eta ingurumenarekin lotutako gaiei buruzko borondatezko konpromisoak ere. Ingurunea babesteko eta kutsadura eta ingurumenaren narriatzea saihesteko jokabideak lantzea. Ingurumenarekin lotutako jokabidean etengabeko hobekuntza erdiestea.

Politika honek hiru ardatz dauzka:

Gure jarduerak ingurumenari eragiten dizkion kalteak ahalik eta gehien murriztea, kontsumo eta kudeaketa iraunkorrerako praktikak txertatuz. Ingurumena babestearekin zuzenean lotuta dauden egitasmoak finantzatzea. Gizarteari jakinaraztea baliabide naturalak zaindu eta babestu behar dituela.

Honako Politika honen bitartez, kutxaren Zuzendaritzak laguntza ematen die gure inguruko banako eta talde guztiei, eta, hartara, Garapen Iraunkorra bultzatuko du, nola oraingo gizartearentzat hala etorkizunekoarentzat.

Xabier Alkorta Andonegi Zuzendari Nagusia Gipuzkoa Donostia kutxa